Ha leef miense oet Naer, miense oet de gemeinte Leudal, miense oet Limburg en ederein dae dit laest hiej ein ierste berichtje van de nuuje kastelein van dees prachtige kroeg.
Ut allerleefst haaj ich noe kinbaar gemaak det we uch ut paosweekend weer mogen ontvangen…hiej euver dalijk mier.

Efkes un korte introductie van mich zellef; miene naam is Sander Hendrix, veur vöäl miense baeter bekind as Tun(ke) en moog (hoapelijk) gauw gaon beginne aan miene druim(baan)
’t Horeca blood struimt mich letterlijk door ut blood, mien oma sting bekind as Claar van ’t Kelderke in Höär en miene pap steit bekind as petatte Harie, bekind en berucht van kefee/frituur de Hanebar oppe Bekkerstraot in Remunj. Zelf bun ich altied mer al te gaer nao de kefees haer gegange en auch hub ich in ein aantal zake ervaring moge opdoon aan dae angere kantj van ut buffet. Dink det dr genog miense zeen die mich nog kinne van kefee Lot in Nunum.

Ut aller allerleefste haaj ich uch noe mitgedeild det Maneslust haor deure weer aopent tijdens ut aakommende paosweekend mer zoals verwacht gooit die Haagse bende weer roet in ut aete.
Waat mich ut meist pien duit is ut besef det mien collega’s, die ut al enorm lestig hubbe, ut noe NOG zwaorder gaon kriege en ich vrees det sommige helaas ut bielke dr biej neer zulle gooje. Dit KIN geweun neet langer op dees maneer! Noe mot icch hiej auch gauw euver ophaoje want t blood begint alweer te kaoke en kin mien energie baeter staeke in de werkzaamheden die mich hiej nog te wachte staon.

Ich as oetbater haop van ganser herte det ich uch hiel gauw moog ontvange en tot dae tied haop ich det geer de horeca bedrieve un steuntje in de rugk zult gaeve door allemaol uns lekker aete te bestelle in ein van de vaole aetkefees die dees regio rieëk is, hoof se zelf onneet te kaoke!

Rest mich nog te zigke, keep calm, haoj uch gezondj en toet Manes!